Pumasok ako sa kwarto. Pinatay ko ang ilaw dahil mukhang tulog na si Alena. Tanging ang liwanag sa lampshade lamang ang nagsisilbing ilaw sa kwarto. Napainom kami ni Benedict kanina kaya amoy alak ako.
Tumabi ako kay Alena at mukhang nagising ko yata siya. Sinubukan niyang abutin ang polo ko para hubarin ito pero tinabig ko ang kamay niya.
“Inaantok na ako. Matulog ka na.” Wala sa mood kong sabi. Umupo siya sa edge ng kama.
“Hubarin mo muna ang damit mo baka pawis ka.” Nag-aalala niyang sabi.
“Hayaan mo na. Tinatamad na akong tumayo.” Dumapa ako sa kama at dumiretso na akong natulog.
Ilang minuto rin siyang nakaupo at ramdam kong nakatitig pa rin siya sa akin. Naririnig ko ang mga hikbi niya.
“Mahal mo ba talaga ako, Liam? Kasi pagod na pagod na akong ipilit ang sarili ko sayo. Sana
