Nagpunta kami ni Alena sa Mactan-Cebu airport at doon kami sumakay papuntang Surigao. Nang makarating sa Surigao ay sumakay kami ng ferry galing sa Surigao port papunta sa Siargao.
Nang makarating ay nagrenta siya ng apartment para doon tumuloy. Sinamahan ko siya sa loob ng apartment para ibaba ang maleta niya.
“Mabuti na lang may nahanap tayong apartment na pwede mong tirhan.” Wika ko. Umupo ako sa sofa. Napagod ako sa byahe dahil wala pa akong maayos na tulog.
“Mga ilang araw kang mag-stay dito?” Tanong ko habang pinapanood ko siyang inoobserbahan ang apartment.
“Isang linggo siguro o higit pa.” Sagot niya habang pinapasadahan ng tingin ang sala ng apartment.
“Hindi ka ba hahanapin ni William?” Tanong ko.
Yeah, right. Keep fooling yourself, Lance. Para akong tanga for asking abou
