"ILANG araw na mula nang magsimula ako ng trabaho rito, pero manghang-mangha pa rin ako sa ganda ng lugar. At imagine na eight hours tayong nagtatrabaho rito. Nakakawala ng stress, hindi ba, Rodge?"
"So true! Kaya nga kahit may maliligalig tayong client, all smiles pa rin. Kalmado kahit may problema sa mga suppliers. H'wag lang akong mabubuking ni Tito Carl na may jowang AFAM at wala 'yang stress-stress na 'yan!" wika ni Rodge na ikinatawa ko.
Pamangkin sa pinsan ni Carlito si Rodge. Kasing edad ko halos at may boyfriend na foreigner. Sa unang araw ko pa nga lang sa office ay naabutan ko siya na kausap sa video call ang isang mestisong lalake. Nabanggit na rin naman ako ni Carlito sa pamangkin bago pa ako pumasok kaya kahit hindi pa kami talaga magkakilala ay walang kiyemeng inamin sa a
