Ria Peñaflor
"Parang gusto ko pa sa herikupter, Daddy!" ani Daeria pagkababa namin ng helicopter. "Atin 'yon herikupter, Daddy?"
"Yes, baby. Pag-aari natin 'yan," sagot din naman ng kanyang ama na buhat-buhat siya.
"Yey! Gusto ko ulit sumakay, Daddy!" Sobrang saya na naman ng bata.
Alas diyes na ng gabi at tanging mga ilaw na lamang sa buong bakuran nitong malaking bahay na binabaan namin ang nagsisilbing liwanag. May tatlong lalaking pare-parehong nakaputi ng polo at slacks na itim ang sumalubong sa amin. Mukhang mga tauhan sila ni Daemon na nagbabantay dito.
"Sasakay ulit tayo next time, baby,” sagot ni Daemon sa kanyang anak. “For now, magpapahinga na muna tayo dahil hatinggabi na. Nandito na tayo sa bahay natin."
Tuloy-tuloy na kaming naglakad palapit sa napakalaking bahay na ito
