Ria Peñaflor
"HA?"
Ngumanga ng husto si Daeria kasabay nang panlalaki ng mga mata habang nakatitig sa kanyang ama, na para bang hindi siya makapaniwala sa narinig.
"Daddy na po kita ngayon?!" malakas niyang tanong.
Napangiti naman si Daemon. Naririto na kami ngayon sa loob ng bahay namin. Nakaupo sa sahig sa sala si Daemon at nakaunat ang mga paa. Wala kaming sofa kaya magtiis siya dyan. Tiles naman ang sahig namin at malinis. Nasa kandungan niya si Daeria at yakap niya. Nakatingala naman sa kanya ang aming anak.
Ako nama'y itinuloy ang pagluluto. Nagdagdag na rin ako ng bigas sa sinaing para makakain siya at ang dalawa niyang bodyguard sa labas.
5:30 na ng hapon. Sarado na ang gate ng cemetery, pero kinausap na ni Tiyo Mariano ang guard na hindi pa makakalabas sina Daemon.
"Ayaw m
