Ria Peñaflor DUMATING na rin si Ate Cassandra kasama ang mga anak niyang nagho-homeschool din, at sabay-sabay silang tinuturuan ni Teacher Vangie dito sa bahay nina Ate Crystal at Kuya Omer. Ipinakilala rin ni Daemon sa akin si Ate Cassandra, mga anak nito at asawa nitong si Kuya Adam. Napakabait rin ni Ate Cassandra. Hindi ko akalaing mainit nila akong tatanggapin sa pamilya nila. Nasabi na rin ni Daemon sa kanila ang lahat nang tungkol sa mga nangyari sa amin noon. At maging sila ay naghihinala rin kay Lucinda—na may kinalaman ito sa mga nangyari sa akin noon, maging sa pagkasunog ng hospital at pagpapalabas na ako ang isang bangkay na nakuha sa loob ng hospital. Pero pare-pareho rin naman kaming walang sapat na ebidensya—puro hinala lang ang meron kami, kaya pipiliin naming manahimi

