Ria Peñaflor
NAALIMPUNGATAN ako sa malakas na pag-vibrate ng phone sa paligid.
Hindi ko ito pinansin dahil sa sobrang antok ko at bigat ng katawan ko. Ngunit nagpatuloy pa rin ito at naiistorbo na ang masarap kong tulog.
"Mama..." Narinig ko na rin ang boses ng aking anak. Nararamdaman ko na rin ang malikot niyang katawan sa tabi ko. "Tulog pa si Daddy..."
Naidilat ko na ang aking mga mata, pero agad ko ring naipikit nang masilaw ako sa liwanag na sumalubong sa akin. Mukhang umaga na.
"Mama..." Sinimulan na akong uguyin ni Daeria. "Sabi ni Daddy, gigising siya maaga. Manonood kami ng Mickey Mouse Clubhouse at magluluto siya ng pancake."
Umayos ako nang pagkakahiga at niyakap siya. "Hayaan mo muna si Daddy, anak. Pagod si Daddy. Maya-maya gigising din 'yan."
"Gusto ko nang manood, M
