Ria Peñaflor
"TAGAL naman ni daddy maligo, Mama!" reklamo na ng aking anak sa tabi ko, at 'di na rin siya mapakali sa paghiga.
"Palabas na rin 'yon. Matulog ka na." Niyakap ko na siya at tinapik-tapik sa puwit para makatulog kaagad.
"Gusto ko din yakap si Daddy ko, eh," ungot naman niya habang nakasubsob sa dibdib ko.
"Di ka na nakakatulog na wala si Daddy?" tanong ko. "Dati naman mabilis ka makatulog, ah. Yayakap ka lang kay Mama."
"Gusto ko na din si Daddy, Mama. Mama, paano po ako papasok sa school? Sasakay ako ulit herikupter?"
Bigla naman akong napahinto. "Hindi. Hindi ka na babalik sa dati mong school dahil malayo 'yon dito sa bagong bahay natin."
"Paano po ako mag-school, Mama? Gusto ko mag-school, eh. 'Di ko na makikita mga friend ko?"
"Itatanong natin sa Daddy. Baka may m
