Kabanata 40
"Ate Zy!" bungad sa kanya ni Patricia.
"Hi," bati niya sa dalaga.
"Si Kuya Zane po?"
"Kasama ng inay mo," sagot niya at umupo sa silyang gawa sa kahoy.
"Iniwan ka po dito?"
Natigilan naman siya.
"Hindi naman Patricia," tipid niyang sagot.
"Ikukuha po kita ng maiinom ate," anito at tumango lamang siya.
Nang magbalik si Patricia ay may dala itong isang 12'oz na bote ng coke.
"Salamat ha," aniya. Umupo naman ito sa tabi niya.
"Ayaw yata sa iyo ng inay ate," biglang sabi ni Patricia.
Obviously!
"Bakit mo naman nasabi iyan?" taka niyang tanong kunwari.
"Narinig ko kasi sa likod ng bahay, parang nagtatampo ang inay. Ang akala niya kasi talaga ay nagbibiro lang ang Kuya Zane nang sabihin nitong mag-aasawa na siya."
Bumaling siya kay Patricia.
"Sa tingin mo
