***** RUCIA *****
“Sheb, sundan mo siya. Dali sumakay ka na!” siko ni Rucia kay Jella nang nakalayo na sa kanila si Cara. Nasa pilaan sila ng taxi sa mall kung saan sumakay rin si Cara na kanilang nakita.
Parehas sila ni Jella na iba ang kutob kanina pa sa kakaibang kinikilos ni Cara. Hindi alam ni Cara noong nag-cr na nag-usap sila ni Jella at nalaman nila na kapwa pala sila kinikilabutan sa tila nagpapaalam na mga salita ni Cara. At hindi nila gusto iyon kaya nabuo ang pasya nila na manmannan nila ito.
“Paano ka?” natatarantang tanong muna ni Jella sa kanya.
“Pupuntahan ko si Evo. Basta tawagan tayo lagi. Tandaan mo hindi ka dapat makita ni Cara kung wala naman siyang gagawing hindi maganda, okay?” aniya. Itinulak na niya ang kaibigan para umalis na. “Dalhin mo na rin ito.” Inia
