***** RUCIA *****
“A-ANONG kasalanan ko sa’yo?” Pinigil ni Rucia na makapagsalita ng maanghang sa kabila ng dalawang sampal na natanggap niya mula kay Cara. Dilat na dilat ang kanyang mga mata na nakipagtitigan dito. Buong akala pa naman niya ay magiging masaya ang muli nilang pagkikita ulit ni Cara dahil ilang araw rin siyang wala pero ganito naman. Para ba’y abot hanggang langit na ang galit sa kanya ng tinuturing kaibigan na hindi niya alam kung para saan.
Sa loob ng ilang araw ay totoo ang sinabi niya na kasama niya sa Cebu si Santiago. Sinulit nila ng derstan niya or sugar daddy niya ang araw na muli silang magkasama kasi raw ay babalik agad sa Singapore ang matanda. Naging maayos naman. Hindi sila nahuli ng asawa ni Santiago. Walang nangyaring gulo kaya bayad na si Santiago sa gin
