***** RUCIA *****
NANG makita ni Rucia si Eunice na pababa sa hagdanan ng malaking bahay ay wala sa loob na huminga siya ng malalim. Nang-uuyam na naman kasi ang tingin sa kanya. Habang pababa ay sinusuyod siya nito ng tingin mula ulo hanggang paa. Tila sinusukat nito ang kanyang pagkatao.
“Gising na ba si Cara? Kumusta siya?” Gayunman ay lakas-loob niyang tanong pa rin. Sa klase ng trabaho niya sa bahay ay likas na sa kanya ang palakaibigan at kung kinakailangan ay makipagplastikan.
Halos mag-isang oras na mula ipinasok nina Evo at Eunice si Cara. Ngayon lang lumabas ang dalaga na kanyang ipinagtataka. Sinubukan niya kanina na kumatok sa kuwarto pero nagdalawang isip siya. Pinaalala ng kanyang sarili na hindi siya close sa dalawa, kay Cara lang siya close kaya feeling niya ay wala siya
