Kinagabihan hindi na siya nagtaka pa nang katukin siya ng kasambahay at sabihing nasa ibaba ang mga magulang niya at nais siyang makausap. Marahil nakarating na sa mga ito ang nangyaring gulo sa kanila ni Nathan at ni Inigo sa may Alvarez Beach. Paniguradong alam na rin ng mga ito ang plano niyang umalis na lamang ng kanilang bayan para sa ikatatahimik ng lahat.
"Sige, bababa na ko," tugon niya sa kasambahay.
Matapos ang pag-aaway nila ni Inigo sa may parking lot kanina, agad din siyang umuwi ng bahay para makapagpahinga, iba kasi ang pagod na kanyang nararamdaman sa maghapon. Aware siyang hindi agad nakauwi ng bahay ang asawa niya, dahil nang bumaba siya para uminom wala pa ito, at instinct niya inayos muna nito ang kabit nito.
Humugot muna siya ng malalim na paghinga at ilang beses na
