Isang linggo na ang lumipas mula ng ma-convicted si Welson Montero, at ayon sa balita ay bago pa mailipat sa Muntinlupa bilibid prison ay natagpuan itong patay sa loob ng jail. Walang nakakaalam kung sino ang pumatay dito, dahil lahat ng CCTV ay disconnected ng gabing mangyari ang krimen.
“Papa, ano po ang nangyayari sa iyo?”
“Wala naman Camilla, medyo mabigat lang ang pakiramdam ko anak at huwag mo na akong alalahanin.”
“Lately po napapansin kong palagi kang matamlay at baka kailangan na masuri ang katawan mo kaya ipapatawag ko ang family doctor natin.”
“Ikaw ang bahala, Anak.” ngayon ay nakasisiguro na ang kaligtasan ng kaniyang mga anak ay ready na siyang sumunod sa kaniyang asawa. Tama na ang panahong inilagi niya sa ibabaw ng lupa, nakakaramdam na rin ng pagod ang kaniyang katawan
