Chapter Twenty-eight
"Pagkatapos ng misyon ko sa Russia sinimulan ko na ang pagplaplano sa pagbalik ko ng Santa Estrella. Pero nang malaman kong ikaw ang isasabak ni Lady A sa misyon na iyon ay lumapit agad ako rito at sinabi ko ang intention ko na tumulong. Kailangan ko ring mailigtas ang aking ina sa kamay ng mga Monteleban. Hindi nila magawang mapakawalan ang Mommy ko dahil oras na mangyari iyon, tuluyan na silang mawawalan ng alas."
"Alas?"
"Kay Mommy naman talaga ang yamang mayroon ang mga Monteleban." Napasinghap ako dahil sa sinabi nito.
"Alam mo ba kung ano ang ginawa ng pamilya mo sa pamilya ko?" tanong ko rito. Para kasi akong naubusan talaga ng lakas. 'Yong kaunting pag-asa na mayroon ako para sa isa ko pang kapatid ay natuldukan na ng sabihin ni Lady A kung ano ang sinapit
