"Anong sabi ni Master James, Pinunong Decha?" salubong na tanong ni Veera sa pinuno ng Chiang Mae.
"Kagaya nang sapantaha ko buhay na buhay ang rosas ng anak niya. Labis-labis nga raw silang nag-aalala dahil dito. Masamang magalit ang batang iyon ayon na rin kay Master James," pahayag ni Pinunong Decha.
"Hmmm, Pinuno, maaring magtanong?" hindi nakatiis ay tanong ni Thaksin.
Kaya naman ay napalingon ang Pinuno ng Chiang Mae rito. Ilang buwan na ang tatlo sa kanila subalit halatang ilang pa rin sa kaniya. Sabagay hindi na iyon nakapagtataka dahil malaki ang respeto nila sa kaniya. Iyon din ang labis-labis niyang ipinagpapasalamat.
"Ilang buwan na kayo rito sa Chiang Mae ngunit para pa rin kayong naninibago. Kagaya nang lagi kong sinasabi, huwag kayong mag-alinlangan. Ituring n'yo akong a
