Dahan-dahan niyang iminulat ang kaniyang mga mata. Dahil pakiramdam niya ay may nakadagan sa kaniya. Ngunit agad ding ipinikit dahil kahit naman imulat niyang muli ay wala naman siyang makikita. Kaso hindi eh! May liwanag siyang naaninag. Babangon na nga sana siya kaso ang nakadagan sa kaniya ay gumalaw din.
"Dada-dada... dada-dada... dada-dada..." paulit-ulit nitong sabi.
Iyon nga lang ay nasa mukha na niya ang paa nito kaya't maingat niya itong hinawakan. Maaaring naramdaman nitong gising siya kaya't gumapang ito upang makaayos. Dahil sa pag-aakala niyang dinadaya lamang siya nang paningin niya ay pabigla niyang idinilat ang mata kaso nasilaw naman siya ng liwanag.
"Dada-dada... dada-dada...dada..." muli nitong sambit and this time nagpupumilit nang maupo na mag-isa upang abutin ang k
