Chapter 25:
"A-akala ko ba magkikita tayo ngayon?" Tanong ko kay Calvin.
Gumuhit ang kaba sa kanyang mukha. Tama 'yan, kabahan s'ya kasi ako? Kabadong kabado na ako.
"Ahm. Ano kasi pasensya ka na may emergency kasi, eh. Nasa loob ng condo ko ngayon si Mommy."
Kumunot ang noo ko at tumango.
"Kung ganon, ipakilala mo ako sa Mommy mo dahil sinasagot na kita." Nanlaki ang mga mata niya at nakita kong biglang lumapad ngiti sa labi n'ya.
"T-talaga?" Paninigurado niya.
"Oo!" Nakangiti na rin ako.
"Kaya ipakilala mo na ako sa mommy mo!" Hinila ko siya papunta sa pinto ng condo niya pero hindi siya nagpahila.
"H-hindi pwede ngayon!" Sabi niya.
"Bakit naman?" Kinakabahan talaga ako, hindi ko alam kung bakit ako nagkakaganito.
"K-kasi may sakit si mommy. Masama ang pakiramdam niya ngayon.
