Jhonalyn's POV
"Anong nangyari sa 'yo?" tanong sa akin ni Rose nang makabalik ako sa party. Hawak ko ang aking dibdib dahil naninikip. Ang sakit kasi ng mga binitawang salita ni Hendrick.
"Hindi pa ba tayo uuwi?" hindi ko sinagot ang tanong niya. May sarili rin akong tanong sa kaniya.
"Hindi pa tapos ang party. Ano ba kasi nangyari sa 'yo? Bakit namumula 'yang mga mata mo? Nakahawak ka pa sa dibdib mo. Alam mo, dapat talaga hindi na lang kita sinama dito eh!"
"Pasensya ka na, Rose. Sobrang sakit kasi ng sinabi niya."
"Ano? Sino?"
"Si Hendrick..."
Napakamot na lamang ng ulo si Rose. "Jusko! Sabihin mo sakin na hindi totoo 'yang sinasabi mo, Jhonalyn. Paano naman kayo nagkakilala ng lalaking 'yon?"
"Dito siya nakatira noon. Hindi ko nga alam na mayaman pala siya. Nagpapanggap l
