Kinabukasan, maagang nagising si Sam. Napatingin siya sa katabi. Nakayakap ang isang kamay nito sa baywang niya. Tumagilid siya at pinakatitigan ang mukha nito. Napangiti habang pinagmamasdan ang masarap at mahimbing na natutulog na asawa. Ang guwapo nito at kaysarap pagmasdan. Matangos ang ilong nitong bumagay sa medyo makapal at mapupula nitong mga labi. Kaysarap pagmasdan ng mga labi nito, kakaiba sa mga labi ng mga lalaking nakasalamuha niya noon.
Ang katamtamang puti ng balat nito ay bumagay sa maalon nitong itim na buhok.
Sabi niya noon ay wala ng mas guguwapo pa sa paningin niya maliban kay Marco pero ngayon ay guwapong guwapo siya sa asawa. Oo guwapo at makisig din ang kapatid pero mas guwapo pa pala si Gabriel. Kahit nga natutulog ito ay mukha pa rin itong model sa isang magazi
