"CEO Gabriel, sandali lang," tawag ni Samantha kay Gabriel habang pilit na binabawi ang kamay. Hawak kasi ni Gabriel ang pulso niya nang ayain siya nitong umalis.
"Bakit? Gusto mo pa bang bumalik doon? Gusto mo ba kakuwentuhan si Hayes?" inis na hinarap ni Gabriel si Samantha.
"Ano bang ikikagalit mo? May ginawa ba akong masama? Ang bastos ko naman siguro kung hindi ko sagutin ang tanong ng mga kaibigan mo."
"Ang sabihin mo mas gusto mo sila kausap! Todo ngiti ka pa nga habang kausap mo sila. Samantalang ako hindi ko nakitang nginitian mo ako ng gano'n."
Hindi nakaimik si Samantha nang marinig ang sinabi nito. Ano naman ba ang problema ng lalaking ito? Kung hindi lang sa trabaho, hindi siya sasama o papayag na samahan ito. At isa pa, big deal pala para rito ang pag-ngiti niya sa kaibi
