SUNOD-SUNOD na problema ang dumating sa buhay ni Georgina at hanggang ngayon ay patuloy siyang hinahabol ng mga ito. Tuluyan ngang namaalam ang kanilang bunsong kapatid at nasa critical na condition naman si Calixta dahil sa matinding mga sugat na natamo nang dahil lamang sa isang gabi na nakasama niya si Tyrone. Paulit-ulit na tanong ang gumagambala sa kaniyang isip; wala na bang puwang ang kasiyahan sa kaniyang buhay?
Inihilig niya ang kaniyang ulo sa isang pader kung saan siya nakatayo. Hindi na nila pinatagal pa ang katawan ni Celestine at agad na itong hinatid sa huling hantungan nito. Walang humpay siya sa pagluha nang tuluyang tabunan ng lupa ang puting kabaong, kung saan naroroon ang kapatid. Panandalian siyang lumayo sa kumpol ng mga taong dumalo at ninais na mapag-isa kahit na
