IBINABA NI Georgina ang tawag matapos nilang makapag-usap pa ni Tyrone tungkol sa kung ano-anong bagay. Natapos ang kanilang usapan sa palitan ng matatamis na salita, kung gaano nila kamahal ang isa’t-isa. Sa gitna ng kaguluhan at laban na nangyayari sa kanila ngayon, hindi niya maiwasang hindi maging masaya at makalimut kahit na sandali sa piling ng lalaking mahal. Hindi niya nais isawalang bahala ang tungkol sa maaring gawin ni Airish sa susunod, ngunit hindi niya nais manghula sa buong gabi at magplano mag-isa kung nasa kasalukuyang kalungkutan si Wesley dahil sa pagkawala ng isang kaibigan at tauhan.
Wala na siyang ibang ginawa para sa araw na ito kundi ang magsumiksik sa kaniyang kama at mag-isip. Maigi na lamang at inaya siyang lumabas ni Tyrone ngayon bagamat nagpapahilom pa rin s
