"Hindi ko alam kung saan ka humuhugot ng kapal ng mukha para magpakita pa sa'kin, Aya. At sa ganitong oras pa? How dare you!" Nakayuko lang si Aya habang tinatanggap ang galit ni Hannah. Naglabasan ang litid nito sa leeg. At kung wala marahil naka kabit na dextrose dito ay malamang nasampal na siya. At kung ganoon nga ang mangyari ay lubos niyang tatanggapin iyon dahil alam niyang walang kasing sakit ang dinulot niya dito. Handa siyang tanggapin ang lahat ng galit nito basta mapatawad lang sila ni Yuan. "Ano'ng kailangan kong gawin Hannah para mapatawad mo ako?" garalgal ang boses niya sa pagpipigil ng iyak. "Hiwalayan mo si Yuan!" "Hindi ko magagawa 'yan..." "Then leave this room!" Hindi siya sumunod sa utos nito bagkus ay kumilos upang makaluhod sa tabi ng hospital bed nito. "Hanna