Chapter 24
After 6 years..
“AALIYAH pagkatapos mo diyan iyong mga bagong dating na Chocolate ang ilabas mo ah. Kaunti na lang kasi iyong nasa estante.”
Nilingon ko ang kasama ko sa trabaho na si Gino. “Okay sige.” Inilagay ko ang huling mineral water sa freezer. Saka ako pumasok sa stock room. Hinanap ko ang bagong deliver na paninda. Binuhat ko ito, pero agad ko ring naibaba sa bigat. I looked at my wrist watch. It's almost three O'clock in the morning. Nasanay na ang katawan ko sa ganitong oras ay dilat na dilat ako. Convenience Store Cashier sa madaling araw at waitress sa umaga. Mabuti na lang at shifting ang duty ko sa cafe na pinapasukan ko kaya nakakauwi ako sa umaga para makapagpahinga.
Inilabas ko ang kahon at dumeretso sa paglalagyan nito. Walang masyadong customer na pum
