WALANG EMOSYON si Eliza habang pinagmamasdan ang sarili sa salamin. Naubos na ang lahat ng luha niya. Ang nararamdaman na lang niya ay poot at at galit.
Hindi na niya kailangan tukuyin pa kung sino pumatay sa kanyang Mommy Dianna. Batid niya na Mafia ang may kagagawan ng lahat. Ang isa pinakamalaking diyamante sa buong mundo na hawak ng kanyang ina-inahan ang pakay ng mga ito. Bukod sa mga matataas na kalidad ng baril ay iyon din ang pakay ng mga ito noon kay Daddy Fritz na walang habas na pinagbabaril nang hindi mapakanta.
Bagaman nagbagong buhay na ang kanyang Mommy Dianna ay wala itong balak na isuko ang naturang diyamante dahil iyon ang alas nito para hindi galawin ng Mafia. Kung papatayin daw ito ay hindi malalaman ng Mafia kung saan nito tinago ang diyamante. Kahit nga siya ay wa
