DUMAMI pa ang bisita ni Lori kaya lalong umingay. Ang ignorante niyang boyfriend, hindi maka-relate sa nangyayari. Nagsasayawan kasi sa salas ang mga kaklase ni Lori habang may kumakanta ng rock music na puwede sa disco. Hindi niya kilala ang singer pero pamilyar siya sa kanya. Puwede na itong pang-disco.
“What are they doing?” curious na tanong ni Argius.
Nakasilip ito sa salas. Bukas ang pinto roon kaya kitang-kita nila ang ibang bisita. “Nagsasayawan sila, hindi mo ba alam ‘yon?” aniya.
Ang dami pa nilang pagkain. Hindi naman niya mapilit si Argius na kumain nang marami. Piling-pili lang ang tinitikman nito.
“Bakit parang wala sila sa katinuan?”
Natawa siya. “Freestyle dance ang tawag sa ginagawa nila. Party dance, basta makasayaw lang.”
“Hindi ba kumakain sila?”
“Ang iba hindi
