Hindi na natapos ng maayos ang pag-uusap namin ni Lyra, dahil nakakatanggap siya ng tawag. Hindi ko alam kung ano iyon pero kita ko ang taranta at takot sa kaniyang mukha nang sagutin niya ang tawag.
Nagsabi siya na babalik daw siya ulit. Gusto ko din na bumalik siya dahil gusto ko siyang makakuwentuhan.
"Nasaan po si Fourth?" Nagkatinginan ang dalawang nanny. Akala ko nandito siya sa nursery.
Alas-kuwatro na pala, baka sinundo na niya ang anak namin sa kabilang bahay.
Tapos ko ng padedehin ang kambal nang mapatingin ulit ako sa orasan. Alas-singko na ng hapon.
Nasaan na iyon?
Nag-aalala na ako kaya kinuha ko ang aking phone upang tawagan ang aking asawa. Isang ring pa lang ay nasagot na niya ito agad.
"Babe, nasaan ka?"
Hindi siya nagsalita agad. Naririnig ko sa kabilang li
