Sa tahanan ng mga Sanchez, simula nang malaman ng magkapatid na Julianna at Jamaica ang katutuhanan ay umiwas na ang una sa kanila bagay na hindi nalingid sa pamilya. Kaya naman ay hindi na rin nakatiis si Mang Ronald na hindi ito kausapin. Hindi nila ito kadugo pero simula't sapol ay anak na kung ituring niya ito. Kagaya ng Ate nito na manugang niya. Masakit para sa kaniya ang nangyayari sa mga ito pero mas masakit ang hindi nito pakikisalamuha sa kanila. Kaya't tinimingan niya ito habang nag-iimpake.
"Anak, paalis ka na pero hindi pa yata kayo nagkakausap ng Lola mo. Galit ka ba sa kaniya, anak? Galit ka ba sa amin dahil sa paglilihim namin sa katutuhanan? Anak, alam naming karapatan ninyong magkapatid ang malaman ito kaya't tatanggapin ko ang galit mo. Subalit ang Lola mo na may edad n
