MAAGANG nagising si Jianne. Hindi naman kasi siya iyong namamahay pa dahil sanay na siyang kung saan saan lang natutulog dahil sa nature ng trabaho niya. Nagpunta kaagad siya sa kusina kung nasaan naabutan nagluluto ng pang almusal si Manang Yolly.
"Good morning po Manang Yolly!" Masiglang bati niya rito.
"Magandang umaga din po Mam Jiyan. Kumusta po ang pagtulog ninyo? Ang paa ninyo po?"
"Ayos na po Manang. Pwede na nga po ulit makipaghabulan!" Pagbibiro niya na ikinatawa nito. Well, partly true dahil mas komportable na niyang igalawa galaw iyon kumpara sa kahapon.
"Palabiro ka pa lang bata ka. Mainam iyon at hindi masyadong tahimik at seryoso itong bahay ni Ser. Nag hahanda pa lang ako ng almusal, mahihintay ninyo po ba?" Nakangiting sagot nito.
"No worries po Manang, maaga lang po
