Tumulong si Dylanne kina Tito Richard at Lola Agwa niya sa pag-aani ng mga mani sa tanimang hindi kalayuan sa bahay ng huli. Medyo malaki naman ang lupain ng matanda kaya may maliit na palayan ito, manihan, kamotehan at gulayan, pati na babuyan. Hogwire ang nakapalibot sa lupain ng matanda, tapos may dalawang asong pinapagala lang para magbantay sa mga baboy. Tiyak mangangagat ang mga ito kung sinuman ang magtatangkang magnakaw sa pag-aari ng matanda.
Noong wala rito ang matanda at nanatili sa Manila dahil sa panganay na anak ay isang kapitbahay ang pinakiusapan nitong gumawa sa lahat pero binayaran ito ng matanda pagdating.
Inayos ni Dylanne ang wide-brimmed hat na suot at napasimangot dahil sa init. Nag-long sleeves siya dahil iyon ang payo ng matanda sa kanya para hindi masunog ang m
