NAKATINGIN lang si Monaliza, kay Matt. Akala niya ay malikmata lang ang kanyang nakikita. At bakit naririto ang lalaking ito sino ang nagpapasok sa kanya? Sa palagay din niya ay wala ang panganay na anak. At isa lang ang ibig sabihin ni Matt, walang plano na ipakita sa kanya si Monroe.
Kaya bago pa siya maiyak ay tumalikod na lang at naglakad ng palayo. Pinuntahan ang anak na bunso, hindi na siya papayag na pati iyon ang makuha pa ni Matt.
Karga ang anak nang mabunggo siya sa isang babae. O tamang sabihin na sindayang banggain siya nito.
“Ang laki ng daan upang hindi mo kami makita ng aking anak?” inis na paninita niya sa babaeng nakataas pa ang kilay.
“Hindi kita napansin nagmamadali ako dahil paalis na rin kami ni Matt. By the way, salamat pala at binitawan mo na siya. At least ngay
