Chapter 18
3rd Person's POV
Mahaba ang naging tulog ni Hector. Hindi siya makapaniwalang nakatulog siya ng ganoon at nawala ang lamig na nararamdaman niya kagabi matapos siya yakapin ni Mike.
Then pagkagising niya hindi ito nagreklamo kahit pa sumakit ang braso nito dahil sa pagkakahiga nila. Hindi din siya nito tinulak kahit pa sinabi ni Mike na malamig ang katawan niya.
"Oy Hector hindi ka maliligo! Ang sarap ng tubig dito!" sigaw ni Draven habang nasa dagat ito kasama ang ilang girls sa department nila.
Tinuro kasi sa kanila ng owner kung saan may dagat. Umakyat pa sila sa bundok para makarating doon— binalaan lang sila ng owner na huwag tutungo sa gitna dahil malalim doon.
Nage-enjoy ang lahat sa pagsu-swimming. May iba pa na nakasakay sa bangka at kasama na doon si Portia.
