MOM
EUNICE HAZE VALERIANO
"LET'S grab something to eat," pahayag ni Marde na kabababa lang ng cellphone mula sa tenga, kausap nito ang nakatatandang kapatid na si Maddux habang tinatahak nila ang daan pauwi. Kanina pa siya nito niyayayang kumain pero panay ang tanggi niya at sa ikadalawampung pagkakaton ay tatanggi pa sana siya ulit at titiisin na lang sana ang gutom hanggang sa makauwi sila ngunit malakas na tumunog ang kanyang tiyan.
'Bakit naman hindi ka nakisama?' inis na tanong niya sa isip habang nakakunot ang noong bumaba ang tingin sa kumakalam na tiyan. Mahinang tumawa ang asawa saka saglit na tinignan siya bago nangingiting ibinalik ang mata sa daan.
"Ano, tatanggi ka pa?" nang-aasar na tanong nito saka lumiko, umirap siya sa hangin saka hinimas ang kanyang nagugutom na sikm
