AMORE MIO AND SEXY LOVE
NAPAPIKIT si Eunice ng mga mata nang biglang tumama sa kanyang mukha ang liwanag ng araw. Ilang minuto nilang binagtas ang daan patungo kung saan habang walang sawa ang bangayan nina Rem at Jace sa loob ng kotse at sa tingin niya'y napagod ang tenga niya sa pakikinig sa asaran ng mga ito. Hindi niya alam kung sino ang nagtanggal ng saklob sa ulo niya pero nagpapasalamat siya sa taong 'yun dahil kanina pa siya pawis na pawis. Kahit na ano kasing pakiusap niya na tanggalin ng mga kaibigan ang nakabalot sa ulo niya ay hindi siya pinapansin ng mga ito dahil daw parte iyon ng plano. Planong alam na niya kung sino ang may pakana at planong alam niya na kung saan papunta.
"Ewwww!" maarteng wika ni Rem kaya't unti-unti niyang idinilat ang mga mata upang makita ang mukha n
