Pangalawang araw na ngayon na nagbabantay si Gwen kay Ylac. Katatapos lang mag round ng Doctor at ang sabi ay pwede ng lumabas ang binata ngayong araw. Hinihintay na lang Bill out nito. Nag walk out siya kahapon pero agad ding bumalik. Ayaw niyang malagot kay tita Emma.
Kasulukuyan niyang pinupunasan ang picture na naging dahilan kung bakit ito naka admit ngayon sa hospital. Nakaframe na ulit ang naturang larawan. “Ito na kamahalan, tapos ko na po. May iba ka pa bang ipag-uutos?” sarkastiko niyang tanong.
Kanina pa kasi siya inaalipin ng binata. Ginawa siyang taga kamot. Taga subo. Taga balat ng prutas. Kapag nakita nitong bakante siya ay agad siyang inuutusan. Pag gumamit lang ito ng C.R hindi nagpapaalalay sa kanya. Nahiya siguro ang mokong. Hindi naman sana malaking bagay kung ginawa
