Parang lumulutang lang sa alapaap si Dion sa araw na iyon. Katulad noong naging sila ni Neptali subalit mas masaya nga lang siya sa mga sandaling iyon. Pagkatapos nilang mag-usap ni Doctor Lucas ay kaagad na siyang nagtungo sa recovery room ni Neptali. Puwede naman daw itong ma- discharge mamayang hapon dahil hindi naman sobrang seryoso ang nangyari sa dalaga. Marahan pa niyang binuksan ang pinto saka bahagyang sumilip sa loob gusto niyang makitang gising na nga si Neptali. At hindi nga nagkamali si Dion dahil magkausap na sina Neptali at Marga habang tahimik lang na nakikinig sa isang tabi si Paeng. Tumikhim muna si Dion bago ito pumasok sa loob at hindi nga siya nagkamali dahil kaagad siyang nilingon ni Neptali.
"Hi, mahal! Kumusta na ang pakiramdam mo hmmm?" wika agad ni Dion kay Nepta
