Medyo mahaba ding buwan magmula nang huling makatanggap si Dion ng brown envelope from unknown sender. Pangatlo na iyon na para bang nagpapahiwatig na may iba pang pamilyang umaangkin sa kanya. Ang gumugulo lang sa kanyang isipan ay bakit ngayon lang? Bakit sa mga panahon na ito ngayon lang nagparamdam kung sinuman ang nais na umangkin sa kanya ayon sa sulat. At hayun na naman ang litrato ng kanyang Mommy at ang lalaking hindi niya kilala. Sa mga larawan ay masaya ang kanyang Mommy habang hawak-hawak siya ng lalaki. Ayaw niyang isipin na, niloko ng kanyang Mommy ang kanyang amang si Don Diego. At hinding-hindi rin siya maniniwalang ang lalaki sa litrato ang kanyang tunay na ama. Kung totoo iyon, sana noon pa niya nalaman lalong-lalo na kay Don Diego.
Itinawag agad ni Dion ang natanggap ni
