Nasa resort nang umagang iyon sina Don Diego at Spencer upang iuwi muna si Lyree sa Mansyon. Natigilan pa si Dion nang makita nitong naroon pala ang mga ito pagkagising niya. Agad na nagmano si Dion sa ama at nakipag- fist bump kay Spencer. Ngunit kakaiba ang araw na iyon alam ng mag-ama, walang gana si Dion at hindi ito masigla kagaya ng dati. Hindi din ito agad dumaldal at nagbiro kagaya nang ginagawa nito dati kapag nagkikita- kita sila.
"Hurt feelings?" tanong ng Don sa anak.
Hindi umimik si Dion, sakto naman ang pagdating ni Lyree galing sa dalampasigan. Tuwang-tuwa ito nang makita niya sina Don Diego at Spencer, nagmano din ito sa ama.
"Napasyal po kayo Papa?" tanong ni Lyree subalit agad ding nalungkot nang masulyapan niya si Dion na hindi man lang siya tinapunan ng tingin.
"Gus
