Tahnia's Point of View
Mas naging masaya ang mga sumunod na araw. Marami kaming ginawang water activities ni Sebastian, pero ang tumatak talaga sa akin ay ang jetski dahil iyon ang na-enjoy ko nang sobra. Kalahating araw kaming nag-jetski. Sinabayan niya ako at lumibot kami sa isla.
Matapos no’n ay nagbihis kami at pumunta naman sa market para magliwaliw at maghanap ng mga pasalubong para kay mama at sa mga empleyado niya. Sa sobrang dami naming pinamili ay kinailangan pa naming magbayad ng masasakyan para maihatid kami pabalik sa resort.
Alas sais na kami nakabalik—gabi na at pagod na pagod na rin ako, kaya ibinagsak ko na ang katawan ko sa kama. Hinayaan ko lang na nakabitin ang mga paa ko dahil hindi pa ako nagtatanggal ng sapatos.
“Tahnia...Let’s wash first,” sabi sa akin ni Sebas
