“Hoy Myca, wala ka pa ba bang balak na umuwi? Mag-e-extend ka ba ng stay dito sa hotel?”
Tinampal ko ang kamay na kanina pa yumuyugyog sa balikat ko. Gusto ko pang habulin ang magandang panaginip kung saan ay kayakap ko raw si Jacques at magkasama kaming natutulog sa kama.
“Tingnan mo itong babaeng ito. Nagpapagising ka ngayong umaga dahil aalis na tayo. Naghihintay na rin ang mama at kapatid mo sa bahay ninyo. Hoy! Gumising ka na!”
May kumuha nang yakap-yakap ko na unan. Nawala ang kaiga-igayang pakiramdam ko at pumalit ang mainit na haplos ng sikat ng araw.
Tinakpan ko ang mukha gamit ang mga palad at pakapang hinagilap ang kumot. “Oh please, close the window. Five more minutes pa,” pakiusap ko.
“Wala ng five minutes pa, uy! Tayong dalawa na lang ang naiwan dito sa suite mo. Kanina
