NATULALA si Esmeralda nang marinig niya ang putok ng baril.
“Edgaaar…” sigaw ng nanay nila.
“Edgar… Edgar… Edgar!” wala sa isip niyang paulit-ulit na sambit sa pangalan ng kapatid niya.
“Esme — Anong nangyari?!” bulalas na tanong ni Tiago, at niyugyog niya ang inaanak. Sapagkat tila wala ito sa sarili.
“Ninong — Bumalik tayo sa Davao! May nangyari kay Edgar na hindi maganda!” balisa niyang sabi.
“Ano'ng ibig mong sabihin?!” gulat na tanong nito.
“H-humingi ng tulong si Edgar, at narinig ko ang putok ng baril at ang sigaw ni nanay!” kinabahan niyang sumbong.
“Ano?!” Gulantang ang naging reaksyon ni Tiago. Dali-dali niyang inutusan ang tauhan na bumalik sa Davao.
“Edgar… Edgar…” paulit-ulit niyang sambit sa pangalan ng kapatid. Wala ring tigil ang pag-agos ng mga luha niya.
