KINABAHAN si Tiago, na hindi niya kayang ipaliwanag. Subalit pakiramdam niya ay hindi maganda.
“May inaasahang bisita ka ba?” muling tanong ni Esmeralda.
“Wala naman. Kahit pamilya ko ay hindi nila alam ang lugar ko dito,” tugon nito.
Tumahimik si Esmeralda, sapagkat bigla rin itong kinabahan. Sa katunayan ay napahawak pa ito sa dibdib niya.
“Esme, okay ka lang?” pag-alala na tanong ni Tiago, sapagkat napansin nito ang biglaang paghawak niya sa dibdib.
“Oo.” Pagsisinungaling niya, dahil ayaw nitong mag-alala ang ninong niya.
“Halika na sa loob.” Inakbayan niya ang inaanak hanggang sa pintuan.
Subalit sa pinto pa lang ay kapwa silang dalawa na, natigilan nang makita nila si Nancy. Naliligo ito sa sariling dugo, buhay pa naman siya ngunit nanghihina na. Dahil sa sobrang takot a
