NATAPOS ang panggamot ni Esmeralda sa noo ni Darwin.
“Gusto mo ba ng kape?” alok na tanong niya sa lalaki.
“Oo, meron ba?” Hindi tumanggi si Darwin, sapagkat gusto niyang makilala nang lubos ang babae.
“Sige. Sandali lang.” Agad siyang nagtungo sa kusina.
Muling naiwan si Darwin sa sopa, patuloy ang kuryosidad ng isip niya kung talaga bang walang kasama si Esmeralda sa condo. “Imposible naman kung wala siyang kasama dito,” tutol ng isip niya.
Nakabalik si Esmeralda na mayroong bitbit na trey at dalawang tasang kape meron ding kasamahan cake.
“Magkape ka muna,” alok ni Esmeralda, at nakaupo na ito sa kabilang bahagi.
“Matagal ka na ba dito?” panimulang tanong ng binata.
“Ilang buwan pa lang,” simpleng tugon niya.
“I see. Nasaan pala ang pamilya mo?” muling tanong nito.
“
