"Maraming salamat po sa pagtanggap sa akin, Mommy Keia." Yumakap ako sa ginang. Papagabi na at ngayon pa lang kami uuwi ni Theo. Tawag na ng tawag si mama. Galit na ito kay Theo. Sa akin naman ay nagtatanong na kung nasaan daw ako. Baka raw lumalandi ako at nagkakalat na makakasira sa pangalan n'ya.
"Balik ka rito, 'nak. Kahit wala si Theo. Kapag gusto mo akong makita... kaming makita. Punta ka lang dit at magpa-party ulit tayo."
"Ayaw ko na po." Parang na traumang ani ko. Napahagikgik ito.
"Ano ka ba? Masasanay ka rin, 'nak. Iyon nga'y level 1 pa lang ng laklakan session. Nagho-hold back pa nga kami kasi nakabantay ang mga asawa namin. For sure kung wala sila ay mas marami pang bote ng alak ang maitutumba namin." Level 1? Diyos ko. Ilan nga sa kanila ay hindi na maalala iyong mga pi
