MINSAN may mga nagagawa tayong desisyon na labag sa loob natin, 'yung tipong kahit ayaw nating gawin, wala pa rin tayong magawa kundi gawin 'yun, dahil alam natin na 'yun ang mas makakabuti at doon tayo magiging ligtas.
Akala ko nga dati ay napaka-simple lang ng buhay, na masarap mabuhay dito sa mundong ibabaw, 'yung tipong mag-aaral ka lang, hanggang sa makapagtapos ka at magkaroon ng magandang career, and then, makahanap ka ng prince charming mo na magmamahal sa 'yo at bubuo kayo ng masayang pamilya, and then, magtatapos sa happy ending ang lahat; tatanda ka kasama ng mahal mo at mga nabuo ng pagmamahal ninyong dalawa, mga anak at mga apo.
Ang sarap siguro mabuhay kapag gano'n, may mga pagsubok man pero konti lang, kayang-kaya mo lang lampasan nang hindi ka napi-pressure dahil nakasupo
