Hindi na ako nakinig pa sa pakikipag-usap niya sa kung sino man ang kanyang tinawagan at diretso pa rin akong lumabas ng dining room. Kinuha ko ang anak ko sa Nanny nito at dinala na muli paakyat sa kuwarto.
Saktong pagpasok namin ng room ay narinig kong nagba-vibrate ng phone ko sa loob ng school bag ko na nakapatong sa ibabaw ng drawer malapit sa kama. Kaya naman nilagay ko muna ang anak ko sa kama at dali-daling binuksan ang school bag ko.
Napaawang na lang ang labi ko nang makitang si Kuya Daniel ang tumawag. Oo nga pala, hindi ako nakapagpaalam, malamang nagsundo 'yun sa university.
“Yes, Kuya Dan?” I answered the phone call.
“Oh, nasaan ka na ba? Mula kanina pa ako tawag nang tawag sa 'yo pero hindi mo naman sinasagot. Pumunta ako sa university kanina para sunduin ka pero wala ka
