=ALJON=
NARIRITO na ako sa aking bahay. Hinatid ako ni Kuya Mau, ipinaliwanag niya sa akin ang lahat. At puro tango lang ang aking naging sagot sa kanya.
Nang wala na silang mag-asawa ay naiwan akong mag-isa. Humarap ako sa salamin at sinilip ang aking ulo na walang kahit isang buhok. Kanina ay meron yon maikli na bagong tubo. Pero ni-request ko kay Kuya Mau na ahitan niya ang ulo ko. Kaya ngayon ay malinis na malinis iyon.
Dahan dahan kong inalis ang benda sa akin ulo at nakita ko kung gaano kahaba ang tahi gawa ng katatapos kong surgery. At habang nakatitig ako sa salamin ay bigla na lang kumirot ang aking dibdib. Kaya bahagya ko iyong minasahe. At hindi ko maiwasan mag-alala na baka bumalik ang sakit ko sa puso?”
Pumasok sa isipan ko ang aking doktor noong katatapos pa lang akong n
