"Salamat po!" nahihiyang sambit ni Bendita sa bouncer na naghatid sa kanila. Binalingan niya ulit si Niccolo na nasa loob na ng sasakyan.
Binalingan niya ang driver. "Kuya, pahatid na lang po itong lalaking ito, o," sabi pa niya. Kumunot ang noo ng driver.
"Hindi niyo po sasamahan, Ma'am?"
Nakagat niya ang labi. "Hindi na po. Ako na po ang uuwi. Makikisabay lang ako sa kanila."
"Hala, Ma'am baka mapagalitan po ako pag di kayo kasama. Saka kawawa naman po si Sir. Samahan niyo na lang po kaya?"
Napakurap-kurap siya at napalunok.
"P-Po?"
"Samahan niyo na po itong manager niyo at kawawa naman pong mag-isa aa unit niya," ulit ng driver.
Saglit na napatanga siya sa kanyang manager na nasa likod at bagsak na bagsak. Sumimangot siya sa lalaki. Kung kanina naawa siya, nainis na naman si
