Kinabukasan. Maaga pa lang ay gising na si Zascha. Siguro dahil hindi rin naman kasi talaga siya nakatulog nang mahimbing. Tiningnan niya ang wallclock ng kwarto.
It's still 6 AM. Bumuntong-hininga siya at bumangon na. Maingat siyang bumaba ng kama. Tulog na tulog pa kasi ang anak niya.
Huminga siya nang malalim at saka dahan-dahang lumabas ng kwarto niya.
Bumaba siya. Halos wala pa ngang tao pagkababa niya. Ang naabutan niya lang sa baba ay ang mayordoma nila na naglilinis.
Lumapit siya rito.
"Manang…" tawag niya rito. Lumingon naman ito sa kanya.
"O, Zasch, anong meron? Ba't ang aga mo naman yata?"
Nagkibit-balikat lang siya.
"Hmm. Nagluto na po ba? Uhm…. Can I cook?" nag-aalangang tanong niya.
Bahagya pang natigilan ang matanda sa sinabi niya pero maya maya pa ay tumango
